र्स्वर्गद्वारी एफएमलाई ‘अखबार कार्यक्रम’ प्रसारणमा रोक
April 17, 2006 at 4:18 pm (समाचार)
मेरो नेपाल समाचारदाता
४ बैशाख २०६३
र्स्वर्गद्वारी एफएमले बिहान प्रसारण गर्दै आएको ‘अखबार कार्यक्रम’लाई स्थानीय प्रशासनले रोक लगाएको छ । स्थानीय प्रशासनले केही समयलाई उक्त कार्यक्रम प्रसारण नगर्न भनेकाले कार्यक्रम बन्द गरिएको स्टेशन म्यानेजर दधिराम सुवेदीले बताउनु भयो ।
रेडियो सगरमाथाद्वारा उत्पादित अखबार कार्यक्रमलाई टेलिफोनको माध्यमबाट र्स्वर्गद्वारी एफएमले लामो समयदेखि प्रसारण गर्दै आएको थियो । सोमवार बिहान उक्त कार्यक्रम रेडियोबाट प्रसारण नभएपछि स्रोताहरुले एकदमै खल्लो अनुभूति गरेका छन् । कार्यक्रममा रोक लगाइएपछि र्स्वर्गद्वारी एफएमका स्रोताहरु सरकारी रवैयाप्रति आक्रोशित भएका छन् ।
