मेरो नेपाल समाचारदाता
४ बैशाख २०६३
सात राजनीतिक दलहरुद्वारा आव्हान गरिएको आमहडताल लम्बिदै गइरहँदा जिल्लास्थित विभिन्न संघसंस्थाहरुले त्यसप्रति ऐक्यवद्धता जनाउँदै पर््रदर्शन गर्ने क्रम जारी रहेको छ । हालसम्म आन्दोलनमा नदेखिएका संघसंस्थाहरु पनि आन्दोलनप्रति ऐक्यवद्धता जनाउँदै सडकमा उत्रिने क्रममा सोमवार संयुक्त दलित आन्दोलन संयोजन समिति दाङले विशाल पर््रदर्शनको आयोजना गर्यो ।
संयुक्त दलित आन्दोलन संयोजन समितिमा रहेका जातीय समता समाज, नेपाल राष्ट्रिय दलित मुुक्ति संगठन, नेपाल स्वतन्त्र सिलाई यूनियन, नेपाल सुनचाँदी व्यवसायी समिति र नेपाल उत्पीडित दलित जातीय मुक्ति समाजका व्यानरहरुमा आएका आन्दोलनकारीहरुले लोकतन्त्रमा मात्र दलितहरुको हकहित सुरक्षित हुने दावी गरेका थिए । चक्रबहादुर विश्वकर्माको सभापतित्वमा भएको सो कार्यक्रममा रिमा नेपाली, उदय स्वर्ण्र्ाार, खड्गबहादुर विश्वकर्मा, प्रभात स्वर्ण्र्ाार, विष्णु धिताल, नारायणप्रसाद शर्मा, शरद अधिकारी, सविन प्रियाशन लगायतका वक्ताहरुले मन्तव्य व्यक्त गर्नुभएको थियो ।
यसैगरी सदरमुकाम घोराहीमै दिउँसो सात राजनीतिक दलहरुको पर््रदर्शन तथा बेलुकी विद्यार्थी संगठनहरुको मसाल जुलुस पर््रदर्शन गरिएको थियो । त्यसैगरी तुलसीपुर उद्योग वाणिज्य संघ तुलसीपुरमा सोमवार नै विशाल पर््रदर्शन गरिएको थियो । जिल्लाका विभिन्न स्थानहरुमा गाविस तथा गाउँस्तरका कार्यक्रमहरु पनि सम्पन्न भइरहेका छन् ।
